林志玲瞇眼食甜筒　網民：想做嗰杯雪糕

靚女做咩表情都係靚，台灣第一名模林志玲最近就親身示範咗呢個道理！

林志玲一向出名擁有天使面孔、魔鬼身材，早前佢先因為喺內地真人騷《花樣姐姐》嘅慶功宴度，飲大兩杯又嘟嘴又撒嬌，冧到班宅男死死吓！今次佢又再度喺微博發功，上載咗同一大班同事嘅合照，相中見佢一邊行街，一邊又對住鏡頭嘟嘴...重點係，林志玲食甜筒嗰時，食到瞇晒眼咁，個頭仲要側側哋，使唔使咁誘人呀？呢啲表情真係唔係人人Carry到，唔怪之得大批網民都留言爭住話想做嗰杯雪糕啦！