【都係我唔好X2】小方見鄧麗欣合照心噏

藝人方力申（小方）於黃金海岸取景拍攝由王晶監製、林子聰執導的新片《男神訓練營》，戲中與張雨綺一對的他，指自己是「乸型的直男」愛上女漢子。談到現場的女星都以比堅尼上陣，被問覺得哪一位最性感？他認為難以評分，因各花入各眼，笑言自己有定力，因為與一眾女星都已經合作過：「佢哋嘅實力心中有數㗎喇，冇退步！」他又謂看靚女是很自然的事。

「一切都係我唔好」

談到早前他在電台訪問中，談到前度鄧麗欣（Stephy）時激動落淚，而鄧麗欣則表示聽到後覺得心噏，對此他說：「一切都係我唔好，我認，之前個訪問係話講傑青，講以前嘅游水生涯，講講吓就提到（鄧麗欣），但冇理由唔答。」他又指粉絲會貼出二人的合照，指出二人分手幾多日，自己見到亦會心噏。

同Stephy冇愛？

至於見到鄧麗欣喊可會心軟？他說：「唔講咁多啦！（二人中間冇愛？）唔講喇，都係我唔好，成日提。」