違例泊車被罰款　細細粒黐鬚拍片道歉

「細細粒」陳嘉佳（小寶）尋日因為違例泊車而遭鎖車，要被罰款320元，才可解鎖取車離去。

過咗一晚，似乎小寶心情平復番，仲拍片一人分飾兩角放上facebook「道歉」。片段開首，小寶黐咗兩撇鬚同戴住帽，面目猙獰咁話：「喂！你明唔明呀！好過份呀！15分鐘，你違例泊車15分鐘，仲喺度惡人先告狀，話你自己冇錯，你有冇搞錯呀！15分鐘你知唔知你影響咗幾多人呀？」明顯佢係扮緊當時個保安。

之後佢就除咗啲鬚同帽，望住鏡頭話：「對唔住呀各位，我今次真係做錯咗，所有大朋友，小朋友，你記得千祈千祈唔好學我。」之後就叫大家要做個好市民，連講3次對唔住。

大家想知佢個道歉有幾真心？記得睇片！