就嚟31歲！陳嘉佳認真．處女恨「開封」

藝員陳嘉佳（小寶）、王君馨等現身將軍澳，為主演的myTV SUPER獨家點播新劇《性在有情》宣傳，擔任司儀的小寶以日本女僕造型出場，相當重口味，她又將引人入性講成「引淫入性」，逗得全場爆笑！

不願付錢解決

戲中與許紹雄（BENZ雄）演一對老少配的小寶，在台上被阮兆祥取笑「原封不動」（指處女），受訪時被追問是否真．處女？小寶表示：「你估我想咩！我就嚟31歲，但冇男友嘛！」身旁的阮兆祥聞言即笑說：「你揀擇嘛！」被問到是否想「開封」？小寶直認自己都想開，阮兆祥又繼續抽水：「咁要搵開封府先得！」問到未試過點解決，同有否諗過用錢解決？「純情」的小寶即好大反應：「吓！梗係唔得！仲要畀錢添！」小寶自言想結婚生仔，提到劇中講到呢啲會否感尷尬？佢話拍劇冇問題：「我雖然係新手，但BENZ雄係老手，教得我好好！」