同小方復合冇望？鄧麗欣：畀啲時間淡忘

藝人鄧麗欣（Stephy）與周柏豪出席活動，對於羅明珠昨晨突然猝逝，終年47歲，兩人坦言曾在活動上見過對方，但不太熟絡。有傳羅明珠因減肥過度出事，問到Stephy有否試過食藥減肥？她直認說：「入行十幾歲試過，因為入行做模特兒想快啲減，食咗啲去水丸，搞到個人好唔舒服同好『慌』，食一個星期就停喇。（當時有冇暈同嘔？）又冇，只係唔舒服同冇胃口食嘢。」

周柏豪曾飲大隻奶粉

Stephy表示入行後以運動減肥，她說：「因為鍾意做運動，加上我戒食紅肉，唔會再用其他方式減。」多年前為演唱會努力操肌的柏豪表示曾飲「大隻奶粉」，他說：「搞到面部同背脊出暗瘡，好躁，唔係個個都消化到，之後就停咗，改去健身，亦都試過食藥增肥搞到肚屙。」

暫時努力工作

對於前男友方力申（小方）日前接受電台訪問時，重提與Stephy的一段情時流下男兒淚，搞到Stephy以「心噏」回應，之後小方出席活動時自認「衰仔」及兩次以「都係我唔好」道歉，對此Stephy說：「既然唔想再提就唔好講，唔需要道歉，大家都係出自真心。」她強調兩人已沒有聯絡，至於有很多網友留言，指希望兩人可以「重修舊好」，Stephy說：「有睇大家嘅意見，暫時努力工作先啦。（有網民話小方近日所做所說都希望挽回呢段情？）明白大家關心，畀啲時間淡忘啦。（即係冇彎轉？）暫時工作為先。」

最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！

最強娛樂APP「東網巨星」下載連結：

http://on.cc/redirect/entertainment