唔覺花旦走晒 萬綺雯Keep住一年一劇

20160529
東網電視
更多新聞短片
萬綺雯覺得花旦走咗慢慢又有番,唔同年齡都會做唔同嘅嘢!
藝人萬綺雯(蚊蚊)出席活動,講到她一直與無綫維持部頭約,問到可有被邀請簽長約?她直言:「之前一路傾都係諗住自由啲,所以我諗合作都會係部頭形式。」講到佘詩曼決定離開無綫自組工作室,萬綺雯即表示:「咁好呀,恭喜佢呀!(啲花旦走晒?)慢慢又有番嘅啫!(好多都嫁人生仔!)咁有唔同年齡㗎嘛,去到嗰個年齡係應該做嗰啲嘢就做㗎喇嘛,我覺得又冇咩所謂喎,結完婚生完仔各樣都可以繼續合作,好自由㗎。」
合作形式有好多種
講無綫花旦賣少見少,她直言自己控制不了:「我諗合作嘅形式有好多種,大家都可以傾嘅,唔係話今日唔合作將來就冇機會合作,依個世界圓㗎嘛,我又覺得冇咩所謂,睇吓大家有冇啲啱嘅劇想做,我自己都係一個咁嘅心態去接嘢做,最緊要自己鍾意。」萬綺雯又表示基本上一年只拍一部劇:「同老公商量完都覺得可能一年一套對我嚟講係最好,其他時間可以做吓其他嘢,唔一定淨係拍劇。」