球技出色！趙哲妤封鄧穎芝做偶像

前中國小姐季軍趙哲妤（Uny）獲邀參與籃球賽，跟陳偉琪、唐紫睿及梁靖琪組隊力撼，由鄧穎芝（Vangie）帶領的警察籃球大使隊，獲好友馬嘉均、MVG成員Toby和Jess到場打氣。雖然Uny有身高上的優勝，但她已經有十年沒有接觸籃球，所以最後沒有奪得任何分數。

接受訪問時，Uny直言見到隊友陳偉琪及對手鄧穎芝入球的技術很值得自己學習。談到鄧穎芝個人奪得16分時，Uny即化身為小粉絲說：「Vangie打得好好，我已經封咗佢做我偶像，睇完佢之後就覺得依個女仔運動係好叻。佢靈活度好高，轉個身就入到個三分波！」另外，問到Uny最近是否為很多私事而煩惱？她笑言籃球可以為自己減壓。