等仔仔出國讀書　黎耀祥隨時離巢外闖

佘詩曼成立自己的工作室，對外宣布「獨立」，身為無綫一線小生的黎耀祥表示恭喜，不過則表明自己暫時無意外闖，未有計劃成立工作室，對無綫絕對忠心！

他坦言：「工作室呢樣嘢係內地嘅工作模式，而我份人比較老派、怕醜，唔想接觸陌生環境，你可以話我安於現狀，但返到公司梳化服、攝影、燈光全部都識，開工可以話自己想點，溝通得好好，況且我最緊要係頭家，點可以拋低個仔，返大陸幾個月唔理呢？做人搵咁多咪又係食兩餐，食得多膽固醇高㖭呀！」

談到無綫孭飛小生、花旦愈來愈缺人，祥仔謂：「總有新一批人嘅，需要時間囉。當年冇咗周潤發咪又有五虎！」話雖如此祥仔亦補充：「我個仔8月出國讀書，到時就可以諗吓其他計劃，可能兩、三年後會準備內地發展嘅嘢，隨緣啦，人都係要進步嘅，對自己負責嘛。」