【暗寸陳司翰】莊思敏大讚細妹現任男友

藝人莊思敏出席美容公司開幕，談及妹妹莊思明及男友楊明愛得高調及經常放閃，她表示很妒忌：「見到都眼冤，但好戥佢開心，開心事，男仔好好，知男仔好錫佢，搞到我自己都好心急，見到每個朋友都問有冇人介紹畀我。（屋企人覺得點？）ok，雖然冇正式接觸過，但睇過報紙同男仔嘅作品。（聽講話爹哋唔知，你會唔會報寸？）唔會，我另外個妹會做，唔使我出手。（爹哋好緊張你哋戀情？）父母當然會關心，但佢哋講過無論對方係咩人，最緊要係錫自己，我哋自己開心就得。」

莊思敏又大爆，妹妹與現任男友及前任男友拍拖時的心情分別很大：「佢依家開心活潑咗，雖然依家係熱戀期，希望佢哋熱戀期長啲，享受甜蜜，同埋難得佢哋雙方都鍾意放閃，令身邊人都好妒忌。（你會唔會都想搵圈中人？）我唔抗拒，最緊要係溝通到，圈中人會了解我嘅工作，但亦承受好大壓力，不過講到底都係緣份，圈外、圈中人唔重要，最重要係溝通到同錫自己。」