陳嘉寶約滿去向未明：想知自己值幾錢

藝人陳嘉寶（Anjaylia）出席活動時，透露剛旅遊完返港工作，並透露與合作九年的舊公司正式約滿，感激舊公司的栽培。問到與新公司簽約了沒有？她坦言尚未決定去向：「解放吓自己嘅心靈先，大個女，想自己做多啲決定。」

有意出新書

Anjaylia又透露明天將出發到外地做一個project，會到沙漠拍照，但不是拍寫真。問到是否拍婚照？她笑言：「唔係，同一個靚仔去影相，會同一班好熟嘅團隊一齊去。其實我本身係讀新聞出身，我都好耐冇用過支筆，我想送份禮物畀自己，可能會出書。（鋪路結婚？）唔使鋪，結婚再計劃。我將工作同感情分開，工作衝刺咗先，依家搵緊新嘅合作伙伴。」

獲其他公司招手

問到無綫有否聯絡她？她坦言與無綫一直保持良好關係，早前劇集《殭》播出亦反應很好。她透露目前請了朋友替她處理工作上的事宜，亦收到不少電話查詢。問到會否考慮做無綫親生女？她說：「未諗，啱啱先至完合約，未諗咁長，我對電影都好有興趣。（有冇公司出高價簽你？）之前陸陸續續都有朋友向公司或者經理人探口風，不過我當時未完約，所以我冇講。睇吓佢哋會唔會返嚟搵我，我都好想知我值幾多錢。」