福士蒼汰趕拍新劇　錄影廠度23歲牛一

日本型男福士蒼汰，最近忙於同女星土屋太鳳趕拍熱播中嘅劇集《極樂天使》。噚日係福士嘅23歲牛一，但依然繼續開工。 劇組特別預備生日蛋糕， 喺錄影廠為福士慶祝生日，女主角土屋太鳳同門脇麥仲齊齊穿上浴衣，令壽星仔非常開心。

另外，土屋太鳳同新紥男星竹內涼真合演改編漫畫嘅新片《青空吶喊》，已經喺日前煞科，並公開電影宣傳海報。