靚媽陳茵媺扮老鼠　大頭蝦報錯B女磅數

靚媽陳茵媺（Aimee）上月追女成功，為老公陳豪誕下小公主Camilla！不知不覺，Camilla前幾日就滿月，當時Aimee話個BB應該大概重12磅。

不過Aimee最近喺微博度更新，話囡囡應該係重15磅半至真：「睇小小公主！係...我優（又）報錯小公主嘅磅數啦...一個月有（由）8磅變成15磅半！」之後佢再留言話：「唔怪得知手嘅舊患又復發啦！」

Aimee又上載咗扮老鼠仔嘅自拍，做出多個表情，可愛程度尤如少女一樣，邊似生咗三個呀！