無綫復辦港男 同港姐齊齊搞添噱頭

2016年05月31日 22:54
東網電視
更多新聞短片
唔知出嚟效果會點呢?真係好令人期待!

無綫一年一度盛事《香港小姐競選》,自1973年舉辦首屆起,至今已43年,為突破傳統,今年港姐將史無前例地與2012年已停辦、於今年復辦的《香港先生選舉》(港男)合併競選,兩個大騷合而為一,並於8月底舉行。

三高層加拿大揀蟀

無綫除全力將此大騷「搞大」外,更承諾今年誕生的港姐、港男得主,將獲全面力捧!據知無綫將採取貴精不貴多方針,港姐及港男兩邊名額各佔約十餘個,好讓觀眾焦點更集中,對候選者更加入腦!

而無綫三大高層包括助理總經理杜之克、綜藝科製作資源總監余詠珊及製作資源部總監樂易玲,稍後更會遠赴適逢舉行華裔先生選舉的加拿大溫哥華及多倫多,實地揀選高大、俊朗、健碩優質男士,帶回港參賽讓觀眾一飽眼福。

ViuTV實況選美冇新意

余詠珊認為港姐港男合併舉行,能體現「合則兩利」優勢,她說:「之前TVB喺宣傳myTV SUPER嗰陣,已經預告今年將會復辦《香港先生選舉》,而港姐已經舉辦咗咁多年,係咪可以做啲轉變?一直都有合併嘅構思,今年正好為呢個年度盛事錦上添花!(一晚之內選港姐又選港男,唔怕觀眾混淆?)唔怕,我哋好有信心節目會好睇,會令觀眾覺得好有新鮮感!(TVB因應ViuTV實況選美《美選D.n.A》作出呢個部署?)開放年齡選美,我喺亞視時都做過,冇新鮮感!不過我哋唔會理人哋做乜,會做好自己,對觀眾有交代先。」