晒詩詠合照反擊 洪永城：我哋不知幾好
20160601
東網電視
更多新聞短片
洪永城被指翻撻舊愛，佢今日就喺IG晒出同女友詩詠合照反擊，唔使講咁多啦！
藝人洪永城（Tony）被指翻撻舊愛Bird Tse，令到女友唐詩詠嬲豬有微言！Tony尋日接受《東網》訪問時，就話冇嘢好澄清，而今日佢就終於喺Instagram反擊傳聞！
幾乎從未喺社交網站公開過同詩詠生活照嘅Tony，佢留言：「痴（黐）線，我哋不知幾好。」相中嘅詩詠拎住啲嘢食，冇咩大家期望見到嘅親密動作，而且張相又矇矇地，不過「一張照片勝過千言萬語」，使乜解釋咁多呀？
有網民大讚Tony好型，又留言「難得的放閃❣❣要幸福哦」，仲叫佢哋快啲結婚！係囉係囉，晒多啲幸福啦，我哋唔介意燦眼㗎！
而詩詠亦有喺Facebook上載新相，托住個頭若有所思咁，佢問大家：「我在想什（甚）麼呢？食物?寵物?定人物?」唔使問，仲唔係洪永城？（好似係…）
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：