小糯米2歲生日！楊冪冧晒生日蛋糕

內地女星楊冪同老公劉愷威成日都因為聚少離多，屢傳出婚變消息，雖然佢哋兩公婆都已經發過聲明否認呢件事，但傳聞一直都冇停過！

今日劉愷威同楊冪終於現身香港機場，原來楊冪返港會合老公嘅目的係為咗慶祝囡囡小糯米兩歲生日呀！雖然佢哋被問到婚變傳聞都冇回答，只係講咗句：「謝謝。」不過楊冪就啱啱喺微博上載咗一個生日蛋糕相，蛋糕上面仲插住個「2」數字嘅蠟燭，仲留言話：「糯米團子生日快樂，節日快樂！」結尾仲加上幾個心心，認真冧爆。睇嚟楊冪已經返到屋企，同小糯米慶祝緊生日喇！