港姐港男一齊搞　香香：比堅尼環節點算

藝人岑麗香於中環出席溫哥華樓盤活動，未成為樓奴的她希望在溫哥華及香港置業。問到可否於今年成事？她說：「希望啦，之前miss咗個機會喺溫哥華買樓。（同男友買？）想靠自己努力買咗先！（再叫佢買多層？）係啦，女仔要有番啲自己錢係好事。」

談到無綫有意今年將香港小姐與香港先生合併一起舉辦，華姐出身的她笑謂：「咁比堅尼環節點算呀？不過都幾得意，有創意。（會格格不入？）都係要試咗先知個效果！」

讚鍾嘉欣有福氣

談到好友鍾嘉欣的近況，香香表示上月返溫哥華時見過對方，她說：「佢好開心。（個肚大唔大？）我唔講得太多，見到囉！（肥咗？）係福氣嚟嘅！」又指雖然她已經知道bb性別，但不能透露，問到嘉欣甚麼時候回港？她表示未有問過對方。

自嘲學嘢慢

講到早前被拍得駕車疑似在泊車時不小心擦花其他人的車，她更拍下「罪證」，她表示當日未有撞花別人的座駕，拍照只是為了證明未有撞花，她說：「我喺溫哥華手車都唔錯，但香港人手車就辣啲，我學嘢又慢，平時揸車都只係喺坑口、寶琳同將軍澳，但嗰日就喺大坑，會緊張啲！」她笑謂每次到不熟路的地方，都會有朋友在旁又開GPS，所以較放心，又笑指叫大家給予她揸車的意見。