東網電視
更多新聞短片
王浩信對於選美有獨特見解。
1/7
藝人王浩信出席《2016香港小姐競選》宣傳活動，被問選心水港姐的準則？他表示準則與擇偶條件一樣，由於已婚，故毋須再擇偶，不過認為選港姐要美貌與智慧並重是傳統，而且事業線要夠長：「係手掌嗰條，因為要履行港姐責任，之後做演員要夠上心，依家合作嘅港姐都好盡心盡力。」
至於選港男的條件？他謂：「都易揀嘅，睇就睇Body先，我有練開嘅就有認識，自己拍《EU超時任務》要着孖煙通跑街，係需要勇氣嘅，建議參加港男可以預習吓！」
為羅仲謙盡力頂酒
談及早前與太太陳自瑤去越南旅行，難得享受二人世界，期間有用視像電話與囡囡聯絡，直言心掛掛，覺得下次要帶埋個女去。問囡囡可有隔空扭計？他說：「有吖，隔住個mon鬧，問點解我哋去啲地方咁靚，畀說話我聽！父親節要送禮物畀佢。」
提到羅仲謙與楊怡結婚有意找他任兄弟團，王浩信表示當時正與唐詩詠開拍劇集，目前與劇組度期，望能抽出一天參加婚禮，他說：「我結婚嗰陣謙仔做兄弟，係要撐嘅！但姊妹團有伍姑娘（伍詠薇）喎，我要出盡全力頂酒。」
王浩信表示難得與太太陳自瑤度假享受二人世界。
王浩信表示自己已婚，毋須再為擇偶增添煩惱。
劉佩玥（左起）、蔡思貝、陳庭欣與王浩信研究事業線。
王浩信出席港姐宣傳活動。
蔡思貝（左二）與陳庭欣（右三）似乎對自己的事業線充滿信心。
王浩信表示就算再忙亦要為羅仲謙與楊怡結婚做兄弟團。（資料圖片）
