唔怕同蔡思貝傳緋聞　馬國明恨拍導演版

無綫藝員馬國明與蔡思貝在將軍澳電視城為新劇《心理追兇 Mind Hunter》試造型。在劇中飾演心理醫生的馬國明笑說：「劇本幾有趣，雖然我係心理醫生，但係自己都有啲問題，我同楊明、敖嘉年都有啲問題，就好似三個傻佬去查其他傻佬咁。」

馬國明對上一套無綫劇已經是上年，有傳是續約問題，他說：「冇關係，我仲有約，一路都傾緊。合約未完到係TVB嘅人，唔拍公司蝕底，其實一路都睇緊有冇劇啱。」

幻想女友好少布

劇中湯洛雯飾演馬國明的亡妻，在馬國明的幻想出現，問馬國明有什麼幻想，他笑說：「我幻想嘅女友要好少布，或者拍個導演版淨係我同導演監製睇。」問他可擔心與蔡思貝傳緋聞？他說：「唔怕，阿佘夠犀利啦。劇中佢係同敖嘉年，可能公司覺得佢太細過，我同佢唔襯。」

恨同湯洛雯楊秀惠傳緋聞

蔡思貝劇中飾演社工，角色內斂，熱心幫人，她說：「現實中我都好見義勇為，朋友有乜事都會即刻去幫手。」講到與敖嘉年一對是否不用擔心傳緋聞？她笑說：「咁我同湯洛雯、楊秀惠傳啦，佢哋都好索。」