台灣36度高溫　范范黑人懶理帶孖仔行街

台灣今日熱到爆，最高溫度達36度，真係聽到都覺恐怖，但係范瑋琪（范范）同老公陳建州（黑人）一於少理，冒住中暑危機與一對孖仔飛飛同翔翔出去跟太陽玩吓遊戲！范范同黑人一人用一個腰櫈將飛飛同翔翔固定喺前面，見到佢哋咁樣，真係覺得更加熱呀！但係呢對廿四孝父母只係關心孖仔熱唔熱，而揹住哥哥的黑人就叫飛飛摸一下弟弟，飛飛即刻聽話去摸吓弟弟，認真兄弟情深！

而范范就素顏上陣，佢哋仲邊行邊同街坊SAY HI，態度好親民！最後范范仲錫咗飛飛一啖，真係隔住個MON都感受到嗰種幸福。