【新相曝光】李珊珊微博晒近照　勁精神

成日畀人感覺神秘到極嘅李珊珊，雖然偶爾有UPDATE微博，但都好少「露面」。而最近活躍番嘅佢，啱啱喺微博晒咗一張近照。相入面，李珊珊眼仔睩睩咁，雖然戴住大大個黑口罩，但望落都相當精神。佢仲留言話：「這是一張即興的照片。今天收到五份從韓國帶回來的禮物，全是右邊送給我，在此謝謝啊！拆禮物是一件沒有人不愛的事情，還要買對心頭好，很難不興奮！你們看到的帽及口罩就是禮物之一，那就拍照看看效果！」原來個口罩係禮物嚟嘅，望落又真係幾靚同幾潮喎。