周秀娜着3吋高踭鞋拍急停戲整傷舊患

演員周秀娜晚上到銅鑼灣出席電影《29+1》煞科宴，老闆蕭定一亦有出席支持。大會送上生日蛋糕為她補祝生日。周秀娜近日忙於為電影《女士復仇》開工，不過拍攝一場奔跑戲時卻不慎拗柴觸傷足踝舊患，現時腳踝仍要包裹着，她說：「戲裏面我做女飛賊，前幾日拍一場着住三吋高踭鞋奔跑急停戲，因為腳踝有舊患韌帶撕裂過，一急停隻腳就冇晒力，腳踝拗柴起唔番身。之後去咗醫院，醫生話觸傷舊患要休息，好彩啲骨冇事，依傢已經開始消腫，但都有繼續開工，嚟緊會有好多動作戲，希望快啲好番。」