李珊珊發聲明 防止低調生活受影響!

20160605
東網電視
更多新聞短片
李珊珊好緊張自己嘅低調生活會受到干預。
前港姐李珊珊近年生活都好低調,直至佢早前宣布將價值過百萬嘅鑽石后冠公開拍賣,突然成為新聞人物。
雖然珊珊昨日首次帶晒口罩罕有地「露面」,上載生活照,力證自己好健康,不過佢仍然好緊張自己嘅低調生活會受到干預。珊珊今日喺微博突然發出一個嚴正聲明,話如果未經佢本人同意,公開或者私藏佢嘅家居照片,佢都會採取法律行動。
聲明如下
「嚴正聲明:如未經本人同意,公開或私藏,本人家居照片(室內),及家居範圍(室內)生活之活動照片;本人將會傾盡全力捍衛私隱,並訴諸法律。謝謝合作。」