拍拖睇海斷正！舒淇馮德倫激罕晒蜜照

女星舒淇與藝人馮德倫嘅緋聞傳足近廿年，關係撲朔迷離，今日舒淇突然玩「自首」，公開同馮德倫嘅「蜜照」！

原來舒淇同馮德倫齊齊二人世界去浪漫睇海，點知被傳媒影到，於是舒淇把心一橫，自行將兩人嘅行蹤公告天下，喺Facebook晒相同留言：「Have a great day……致 剛剛拍到照片的狗仔 麻煩你們可以挑好看一點的照片或者美圖秀秀之後再發嗎？體諒一下沒化妝的素顏女藝人。」

大批網友見到合照，立即恭喜二人，更猜測舒淇兩位好姐妹中，林熙蕾已經嫁人，而林心如亦高調晒愛，未知舒淇今次是否受好友影響，打算公開戀情呢？