孖李晨校服Look現身　范冰冰自封校花

填充題！內地女星范冰冰同男友李晨加埋一齊，會令大家聯想啲乜？恩愛情侶？靚女靚仔？錯！通通都錯！呢日冰冰就上載張同李晨嘅合照，襯晒校服LOOK嘅兩人，望落真係好似返到去讀書年代咁，難怪令冰冰都忍唔住留言：「校花和______？」呢條填充題，答案相信得冰冰一個先知，不過好多網友就發揮佢哋嘅小宇宙，提供唔同嘅答案例如：校霸、保安同校草！

有唔少眼利網友見到佢哋呢身裝扮，話其實為內地綜藝節目《挑戰者聯盟》第二季錄影，又話見到佢哋兩個再次合體真係十分期待！