陳凱琳扮錦衣衞要唔怕熱：最難忍笑

藝員陳凱琳在將軍澳電視城為無綫古裝劇《翻生武林》試造型，她在劇中扮演錦衣衞，造型冷酷，但戲服又厚又重，在炎夏拍戲必定汗流浹背。她笑說：「佢哋都有問我要唔要低胸裝V領，我話得咩？佢哋話梗係唔得啦！（會唔會有低胸裝微服出巡？）唔會，全劇都係咁。（鄭嘉穎好放心？）多謝，爹哋、媽咪都好放心，冇得露。（夏天拍古裝怕唔怕熱？）心理上暫時都頂得住，到時投入角色就冇問題。」

稍後陳凱琳將為劇中武打場面練武，但她覺得最難是忍笑，因劇中造型嚴肅。問可會請教男友鄭嘉穎拍武打戲？她說：「佢依傢都忙緊拍劇，我要靠自己。」