輪椅拐杖Free　阿Sa受傷收過百慰問訊息

蔡卓妍（阿Sa）日前因拍攝大陸真人騷《全員加速中》太投入失重心拗柴受傷，阿Sa亦表示今次受傷對工作都有啲影響，因為着唔到高跟鞋嘅關係有一個影相工作取消咗，之後本身都仲傾緊競技節目。問公司會唔會為佢買重保險？阿Sa說：「個節目有幫每個藝人買保險，今次啲輪椅、柺杖全部都係Free架！我返到香港媽咪見到我問我喺邊買，我話唔係買冇畀過錢，我仲話好嘢嚟，幾舒服，（問媽咪）要唔要坐吓。」阿Sa又話受傷有時真係無可避免，有時行路都會整親，惟有下次量力而為。問到覺唔覺真係賣命畀湖南衞視？阿Sa直言：「咁都可以好hea，嗰日四點幾身，唔係好夠瞓，下次瞓好啲。」

阿Sa表示最感動係返到香港拎番手機有幾百個訊息慰問：「但因為太攰，我複製晒一個訊息Send畀大家，咁上下啦，我病人嚟架嘛。」