陳凱琳爆黃心穎最冧成熟男

20160607
東網電視
更多新聞短片
陳凱琳(左)爆好姊妹黃心穎料呀!
無綫的香港先生選舉今年復辦,陳凱琳(Grace)、黃心穎及岑麗香等出席記者會呼籲型男參選,台上眾女分享喜歡男士類型,Grace表示身邊有好友合乎參選資格,並指已將其相片跟心穎分享,心穎即笑說:「乜你唔係介紹畀我架咩?」Grace笑說:「佢細過你喎!嗯……我知你鍾意成熟穩重型吖嘛!」表錯情的心穎即擺出尷尬樣子,場面搞笑!
Grace揀港男着重內在
Grace表示該朋友是做Model,問到為何台上請心穎食檸檬?Grace笑說:「唔係,但個男仔有女友架!心穎咁好條件都大把啦!(因為年齡?)拍拖年紀唔係問題。」她表示揀港男着重內在美,問外型是否要像男友鄭嘉穎般成熟?她說:「唔同嘅,咁我都未睇過呢類節目,要到時先知。」她又指有提議胞弟參選,但對方希望低調。
心穎被問到是否睇中Grace的朋友?她笑說:「個個都話我嚟搵男友咁!(真係搵?)如果啱都冇所謂嘅!哈哈!(推薦身邊朋友參加?)會呀!特別係啲同學嘅細佬,但我會唔鍾意佢哋,我要成熟型!(鍾意大隻佬?)我鍾意自信得嚟唔自大,又有少少怕醜,等我發掘吓佢嘅優點。(最期待泳褲環節?)的確係好有娛樂性,但最想睇問答部份,見到佢哋答到窒窒吓,更加睇到真實一面。」
歡迎16歲以上男士參加
此外,監製陳旭亮及高層杜之克表示今屆港男歡迎16歲以上男士參加,年齡沒有上限,今年希望向型男方向發展,會幫他們盡力改善造型,入選人數暫未決定,期間會透過myTV Super跟觀眾互動再作篩選。