馬浚偉自爆數學奇差：要靠銀行經理幫手

藝人馬浚偉、鄒凱光、卓韻芝及Robynn&Kendy出席ViuTV節目《同2047特首上學去》謝師宴，分享重過校園生活的體驗，馬浚偉表示現時的小學生絕非「小學雞」，反而非常成熟及醒目！他又自認數學奇差冇次合格，他笑說：「sin，cos關我咩事，開方有咩用啫？我畢業咁耐都冇用過，最緊要識折扣、知層樓幾大，當然唔可以咁同班同學仔講，我話如果你想做工程師、會計師就一定要識數學，只係我自己當年讀Art。」馬浚偉笑言算術差到的地步，去銀行處理帳目要完全靠經理幫手，問到會否畀人呃？他笑說：「有法律顧問，咁我都知戶口有幾多個零。（即係幾多個？）總之夠用啦！」他又透露最近為製作公司計預算多了計數，加減數已進步不少！