無時無刻要運動　阿G.E.M.做到褲穿窿？

當你做運動個sense係去到無時無刻都要做，咁就自然一定會成功！就等宇宙級歌手鄧紫棋（G.E.M.）話畀大家知，呢日阿G.E.M.就喺Instagram上載咗張坐喺度扮低頭族玩電話嘅相，不過佢嘅坐姿就比較特別，成個瑜珈動作咁，佢仲留言話：「要不是同事發給我這一張，我也沒發現原來我無時無刻在練瑜珈（伽）。」大家頓時明白了！原來宇宙巨G.E.M.為咗Keep好個身形，等佢可以繼續着走在潮流「尖端」嘅衣服，真係冇一刻偷懶㗎！由於阿G.E.M.着咗條穿窿嘅牛仔褲，有網民仲搞笑留言問：「怎麽褲子練到破了？」