【回憶返晒嚟】Sam哥Cool魔合體

「雲外看，新生趣」睇到呢個歌詞，好自然就諗番起《衝上雲霄2》嘅Captain Tong同Captain Cool，當年吳鎮宇飾演的Captain Tong（Sam哥）紅到差啲唔記得佢真名，而最多人模仿就梗係佢個飛機頭，簡直就係潮流指標，而張智霖飾演的Captain Cool（Cool魔）當年都風靡唔少師奶同少女，話時話兩人都好耐冇合體過，不過尋日深夜時份張智霖上載一張跟吳鎮宇嘅合照上微博，張智霖拎住杯疑似白酒，兩人對住鏡頭笑得好開心，正當大家以為係咪傾緊咩合作大計時，張智霖就留言話：「不是衝上雲霄3。」粉絲睇到後都話好失望，紛紛留言話希望睇到《衝上雲霄3》。不過更令人失望嘅係，經過歲月嘅洗禮，鎮宇個髮型已經唔再Sam哥，真係想講一句「還我Sam哥頭」呀！