李思欣被嫌棄爛腳　范振鋒建議紋身遮疤

范振鋒（阿范）孖住太太李思欣於大埔林村出席慈善活動，當中日前於珠海拍戲失足受傷的思欣就「晒疤」上場，只見其右腳仍有不少血紅傷痕未癒，她直言會勤擦蘆薈去疤，問到阿范有否心疼太太？他直言事發後太太傳來受傷照片，令自己誤以為是對方特效化妝的劇照，後來他擔心得連夜揸兩個鐘車去探望思欣。

阿范說：「點知原來咁大獲，好驚佢碎骨，所以當時我喺廣州做完嘢就揸兩個鐘車去珠海搵佢。我去陪佢之餘，畀劇組邀請我客串咗幕戲。」思欣又搞笑大爆被老公嫌棄她「爛腳」：「我仲成日畀蛟咬，佢見到我隻腳都話好恐怖同話我爛腳，畀佢嫌棄。」阿范又建議有需要可以紋身遮疤，記者提議二人紋上愛的紋身？思欣即拍掌叫好。

談到工作大計，阿范表示正忙於整理電影的前期及後期工作：「公司都準備於9月開戲，到時演員有白只、張繼聰同李思欣等等。」