航班受影響？古仔叫阿佘行路去三亞

上海電影節正於當地舉行得如火如荼，各地紅星均雲集上海出席盛會，豈料當地浦東機場卻發生爆炸事件。

今日影帝張家輝、古天樂及佘詩曼等，於當地亮相電影版《使徒行者》記者會，三人被問及會否憂心自身安全？當中張家輝表示若有需要會考慮從陸路返港：「我打算呢兩日離開上海。（擔心安全問題？）如果保安有問題，當局會有應變措施。如果因此延遲或取消航班，我一係轉途徑返香港，再唔係可能再逗留多一日。例如搭內陸機去深圳，再搭車返香港。」

他笑問旁邊的古仔及阿佘：「唔係未試過嘛？」阿佘就表示原定今晚離開上海出發三亞：「本來今晚走。（點離開？）從水路離開。因為我今晚去三亞呀，我唔知點算呀。（家輝話內陸應不受影響？）如果無嘢咪喺度抖一日囉，仲好！」至於未肯透露何時離開上海的古仔就搞怪叫阿佘徒步離開上海：「行路去囉！」令阿佘頓時哭笑不得。