好矛盾！福士蒼汰拍劇唔信有鬼但又怕鬼

日本人氣男星福士蒼汰主演劇集《極樂天使》，現正於GEM頻道（now TV 151頻道）熱播。趕拍新劇嘅福士，最近接受《東網》電郵訪問，劇中佢飾演可以讓亡魂上身嘅大學生，雖然佢話自己未試過撞鬼，亦唔相信世上有鬼魂，但又自認怕鬼。

憑住玩「壁咚」而走紅嘅福士，希望日後能參演動作電影做打仔，挑戰槍戰或拳來腳往嘅打鬥場面。而拍攝期間，福士亦有同合作嘅大隻男星鈴木亮平一齊交流健身心得。而劇集將於下周六喺日本大結局，會一口氣播足兩小時，去年結婚嘅女星觀月阿里莎有份客串演出，並且為劇集再披婚紗。