慘慘豬！陳茵媺湊仔湊到病

藝人陳茵媺四月追女成功，為老公陳豪生咗第三胎，陳茵媺不時都喺網上大晒可愛BB相，同網友分享。陳茵媺依家要湊三個細路，勁辛苦，小啲耐力都唔掂，媽媽唔易做呀！

呢日陳茵媺上載咗兩張相上網，不過今次唔係晒BB可愛相，而係佢病倒床上嘅相，見佢額頭貼咗退熱貼，合埋雙眼瞓咗喺床度，睇落好似好辛苦，佢留言話：「39 degrees.. Being sick is not fun.（39度，病咗真係唔係講笑） 兩個王子病咗成個星期...照顧佢哋好返之後，而（依）家到我啦。」母親真偉大，茵媺媽媽要加油呀！