川榮李奈拍劇變身傳統花嫁：假髮勁重

日本女團AKB48前成員川榮李奈單飛後發展得唔錯，近期接連參演《死亡筆記2016》全新真人版電影同日劇《早子老師》，演出機會不斷，而佢喺NHK晨早劇《當家姐姐》嘅表現更加獲得外界肯定，相信為離隊後決心做女優嘅佢增添唔少信心。

至於川榮喺《當家姐姐》嘅戲份去到本月17日便完結，佢預告當日會首度以和式花嫁嘅姿態上陣，內容講述扮演便當店千金嘅佢同廚師奉子成婚。川榮透露第一次拍婚禮場面，亦係首次披和式嫁衣，拍攝過程相當辛苦，同時感覺好不可思議，加上拍攝時間長，感覺假髮好重。