將離港三個月！林峯把握機會見吳千語

藝人林峯現身電台宣傳新歌《旁觀者悲》時，透露在早排演唱會前已經有新歌，但因為當時太多演唱會排練，所以未能正式宣傳，同時亦正在挑選新歌，希望帶給新風格及突破給歌迷。

林峯又表示將於7月要到內地拍攝拍劇三個月，而且還有兩部戲劇陸續要進行拍攝，忙到明年年中，所以巡迴演唱會亦要等到明年才能夠舉行。提到有網民指因林峯沒有接拍《溏心風暴3》而感可惜，林峯大讚無綫拍攝《溏》的製作班底出色：「今次嘅故事應該唔同，所以角色組合都唔一樣，會有新火花。」

談到即將要到內地拍劇三個月，最近是否與女友吳千語密密拍拖？林峯笑言：「都要食飯架，咁啱撞到追蹤嘅朋友，之前做演唱會冇得食，依家補番數。」問到他現時是否增了磅？他直言肥番10磅，但都要keep住去做gym，因接受唔到自己再脹番，而7月到內地拍劇時，亦會帶定慢煮機整雞胸肉食。