【清水洗臉】嘉穎認有美容護理：打Firm啲

藝人鄭嘉穎在上海出席健康食品活動，他透露平時睡前很少護膚，但聽從皮膚醫生建議用清水洗面，故除了在北方，基本上連護膚品也沒有用，幸而皮膚尚算不錯。提到美容護理時，他說：「打Firm啲就有，Botox冇，因為面硬會影響做戲，表情一定要有，咁魚尾紋都一定有啦！」談及剛開拍的無綫新劇，他透露正等待拍檔田蕊妮回劇組，現時先拍自己戲份。

無綫拍劇方便見面

本月23日是女友陳凱琳生日，問有何安排，及會否送上甚麼神秘驚喜？嘉穎謂：「得㗎啦！我會，仲諗緊。（女友叫你唔使親手整蛋糕，寧願你買喎！）我明白佢意思，得㗎啦，多謝！（仲話想父親節同你一齊見佢爸爸！）要睇吓，呢排佢（陳凱琳）仲忙，兩個都喺香港開工，喺公司見面機會多啲！（順便喺公司拍拖？）係拍劇。」另外，對於伍詠薇老公練海棠被指偷食，嘉穎表示不方便評論別人的事。