錢小豪贊成仔仔拍戲：有才華唔好埋沒

打星錢小豪與兒子錢穎德現身《有線娛樂新聞》，在晴朗天氣下齊踩單車，分享父子情。父子二人感情深厚，只要是兒子喜歡的活動，錢小豪都會盡量抽空陪伴，希望彌補童年錯失的時光，他說：「仔仔幾個月大時，我去咗北京做導演九個月，後來見番仔仔時，佢已經識跑，我當時個心好唔舒服，因為我錯過咗佢由爬到行嘅過程。」錢小豪又說：「之前一段婚姻已經有個遺憾，我唔希望再錯過仔仔成長每一個第一次。」

仔仔遺傳了錢小豪好動的性格，更有共同嗜好，錢小豪說：「好自然會將自己擅長嘅嘢教畀佢，等佢同我有共同喜好，父子間就唔會有隔膜。」對於兒子將來的發展，錢小豪持開放態度：「如果佢要入娛樂圈，我都冇問題，有才華就唔好埋沒。」