唔搞個人演唱會!陳秀雯為盧國沾開金口

20160615
東網電視
更多新聞短片
陳秀雯表示盧國沾的演唱會,一定會做!
藝人陳秀雯(Amy)到電台宣傳著名填詞人盧國沾(沾Sir)7月舉行的演唱會,謂沾Sir話要做演唱會時就一定會做:「好似早幾年黎小田咁,我出道都係唱佢哋嘅歌,係應該有個演唱會嘅,歌詞好優秀。我以前喺麗的唱嘅歌,無綫都有,原來都係沾sir作嘅。」她又表示今次演唱會唱三至四首歌,包括自己出道的第一首歌曲,以及第一次演劇集的主題曲。
問到可會開個人演唱會?Amy笑言現時已經好似半退休狀態:「唔係偷懶,不過如果唔係佢哋開演唱會,我都唔會咁樣走出嚟。有人會覺得離開依個圈之前都要開個演唱會,但我自己就冇依個心態嘅。我又係演戲唱歌兩邊走,都搞唔清係歌手定係咩。」
Amy又指自己冇開過演唱會,網上流傳的片段只是歌迷會聚會。至於問到日後可會再拍劇?Amy直言自己在娛樂圈多年,工作都有好多,要求亦好嚴謹,所以希望如果要拍都要睇劇本。提到現時拍劇都好辛苦,她說:「我哋以前都辛苦,係睇自己想唔想喺嗰套劇出現,之前都試過傾好咗,但睇到劇本覺得唔適合就會退出,係我個人咁倔強,所以慢慢嚟。」