食完榴槤玩咀嘴　袁偉豪郭子豪勁hehe

藝人袁偉豪與郭子豪日前為無綫劇集《三個女人一個「因」》拍攝咀戲，兩人都是肌肉型男，前者是香港先生，後者則是A&F亞洲首位模特兒，很難想像會有「咀嘴」戲！

Keep住金魚嘴

拍攝場口講述子豪想做明星，故去拍片，由於要做一場有特別表情的戲，故袁偉豪叫他食西瓜及榴槤等，後來子豪食到抹晒嘴，袁偉豪一心想幫佢，卻成個人失重心趴落子豪度，還嘴對嘴被對方「吸盤」式吸住。拍罷二人即時又叫又抹嘴，場面搞笑又倒胃！拍攝時，為營造驚嚇效果，子豪未「咀」前Keep住金魚嘴口形，相當搞笑！

咀足三次

袁偉豪接受《東網》記者訪問時坦言今次是第一次獻吻給男人：「子豪拍呢場戲時又食乳酪又食西瓜又食榴槤，榴槤我真係唔得，所以當時自己惟有閉氣，估唔到劇中女主角未錫到，但就咀咗個男人。（劇中同智雯有咀戲？）仲未知有冇！」問到拍此場咀戲前有甚麼準備？他笑說：「乜準備都唔使啦！連心理準備都唔使，嗱嗱聲拍完走啦！不過啲工作人員好Hyper，個個攞住手機影相，因為要拍攝多個角度，呢場戲都拍咗三次。」他笑言拍第二個鏡頭時，都撞到子豪棚牙，頻說不好意思。問到女友岑杏賢是否不敢咀他？他笑說：「冇呀！佢都有睇條片，睇完都有反胃感覺。」

最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！

最強娛樂APP「東網巨星」下載連結：

http://on.cc/redirect/entertainment