林志玲張靚穎蝴蝶結打扮晒可愛

今日上海迪士尼樂園終於正式開幕喇！開幕典禮請來唔少中、港、台嘅藝人出席，而香港代表有歌手李克勤，着起西裝上嚟非常官仔骨骨，非常之靚仔呀！其他出席嘉賓仲有「台灣第一名模」林志玲、內地歌手張靚穎等等，佢哋都以蝴蝶結元素裝扮，當中林志玲更戴上波點蝴蝶結頭飾，仲舉起勝利手勢賣萌，十足卡通人物米妮一樣咁可愛！