老公偷食後　伍詠薇賀主播牛一玩直播

藝人伍詠薇（伍姑娘）與老公練海棠同床共枕17年，一直公認是圈中模範夫婦，但近日爆出練海棠「偷食」大胸女後，昨日伍姑娘表示仲未搞清楚成件事，返屋企先再審老公，仲代老公同傳媒講抱歉。

今日伍姑娘如常返到有線開工，仲玩FACEBOOK直播，同有線主持陳皓雲預祝生日。直播期間見伍姑娘心情開朗，似乎已經審完老公，而且冇畀件事影響到。佢送咗個得意公仔蛋糕畀陳皓雲，仲互相擁抱送上祝福吓。而陳皓雲就祝伍姑娘日日都咁開心！