最緊要睇檔期！楊怡考慮拍《溏心3》

藝人楊怡於九龍城出席胡杏兒的時裝品牌時裝活動，談到無綫劉家豪有意開拍《溏心風暴3》，曾演出1、2集的她雖然已經與無綫完約，但表示如果檔期配合會考慮，談到劇集有意明年過年後開，她說：「過咗年仲好，監製想我拍會考慮，《溏心》大家都鍾意，都期待合作！」不過對於林峯未有檔期，她認為原班演出之外亦可加入新元素，因原班演出可以令觀眾有更高的期望，加入新元素可以有更好的火花。

至於目前是否仍在休息？她說：「有劇傾緊，但希望搞埋年尾婚禮先，因為好忙，拍劇可以係空檔嘅時候拍，而且拍劇拍咗咁多年想休息吓！」