再見亦是朋友　金剛提蕊蕊：完全冇問題

藝人金剛在將軍澳電視廣播城拍攝無綫節目《男人食堂》。談到今次錄影為尾二的一集，而他亦是最後一次參與拍攝，問為何未能錄影最後一集，他表示與新劇《迷》的拍攝撞期：「撞得好甘！（《男》反應好，想添食？）我比較想同小儀開《街坊廚神》，開全日本篇或者全台灣篇，咁就開心嘞。」

提到今次拍攝主題為「再見亦是朋友」，他謂：「我就完全冇問題，又唔係我殺咗佢屋企人，又唔係佢殺咗我屋企人，又唔使講到我哋唔係男女朋友就唔係朋友，冇呢個必要。」問是否還有與前女友蕊蕊聯絡，他坦言最近少聯絡：「我覺得大家應該做返自己嘅嘢。（同前度做到朋友？）我就冇問題嘅，但女仔就未必肯，所以有時女仔唔使咁小器嘅，又唔係錯得好嚴重，偷食就話啫，性格（不合）就唔好咁啦！（會唔會又講到喊？）唔會，我『巧驚強（好堅強）』！」