53歲不滅男神　梁朝偉晒多角度照派福利

現年53歲嘅影帝梁朝偉（偉仔）可謂圈中不滅男神，一舉手一投足都輕易「秒殺」女粉絲。今日其電影公司同事上載咗幾張「偉仔多角度」嘅相，向粉絲派福利！首先就嚟一張男人背影照，仲問大家估吓係邊個，就咁睇應該好難都認得出偉仔。之後再上載一張，都仲係好難認到。去到最後，終於放上偉仔半邊面嘅相，哇，呢位不滅男神仍然Keep到一對電眼，微笑中嘅佢亦更添魅力。原來下個再下個星期一（27號）就係偉仔54歲嘅生日，仲Keep得咁好，認真抵讚！