藝人貝安琪今日出席藝術廊開幕，穿上吊帶背心的她疑似飛釘，提到早前她在社交平台大晒性感旅行相，她表示：「去咗幫泰國旅遊局拍特輯，去12日，去咗曼谷同清邁。」她透露在當地有打泰拳，大讚當地的打拳男身材好：「我鍾意肌肉，可以望吓。（搵泰拳男做男朋友？）唔會。」

問到有否拍拖時，她怕醜表示：「拍咗幾個月。（圈外？）係。（媽咪見過未？）見過，我同佢識咗好耐。」問到男友是否香港人，她就口快快表示係，之後就怕醜謂下次先講，欲想離開。記者之後再求證是否社交網站上合照的外籍男？她表示：「係呀，佢喺香港住。（咁sweet會唔會閃婚？）唔會喇。」她透露明日去上海電影節，之後一星期就去德國，但男友就不會同行。

原來安琪早在上月生日時，已在instagram大晒與男友合照，而男友亦在兩天前大晒與安琪及朋友的合照。