預告IG解話！黃子恆頹爆現身鞠躬耍冧

女歌手裕美及丈夫Jason（林恩浩）近日的「離婚羅生門」鬧得滿城風雨，無綫藝員黃子恆因被拍到與裕美密會而捲入風波中，有指裕美疑背Jason跟子恆發展婚外情，裕美則表示其實半年前已開始辦理離婚，但Jason事後強調是「被離婚」！連日來事件不斷有新發展，包括先後爆出家暴疑雲及疑似情慾短訊等風波，今晨Jason更拍片叫子恆：「如果真係鍾意裕美，就企出嚟承認！」

雙唇緊閉

近日忙於拍劇的子恆一直未有公開回應事件，不過之後他曾揚言結識裕美時，女方是單身。今晚黃子恆在經理人陪同下終於現身電視城開工，他戴上眼鏡、頭戴賊仔帽，表情頹爆，雙唇更一度抿着。一眾守候多時的記者即上前訪問，但子恆多次表示要趕開工，態度相當迴避。當記者指他龜縮及問到是否因為有退出打算，所以才如此迴避，黃子恆才焗住企定定回應問題。

連聲Sorry

問到近日有冇搵裕美及對於Jason拍片的看法等，他亦是表現迴避：「唔好意思，我真係趕住！我一陣會交代，Sorry！Sorry！」其後記者再三追問，他說：「我仲有嘢處理緊，所以唔回應住，當然冇可能永遠唔講，嚟緊我會一次過回應，依家真係要開工，今日要做埋我嘅嘢先。（有冇睇到Jason段片？）知有呢件事，但冇咩睇過。（畀人影到你攬裕美腰呢？）呢啲唔回應住，遲啲一次過回應。（同裕美有冇再聯絡？）第一日之後當然有通電過，但我好多嘢做。」再問到有否跟裕美發展感情，子恆則未有回應。

拍片放ig回應

至晚上九時四十分左右，黃子恆化好妝準備拍攝劇集《乘勝狙擊》，記者再追問他同裕美一齊知唔知對方婚姻狀況，他說：「佢曾經同我講，佢同佢老公分開咗，我最主要都係想講番呢件事。（係咪想強調自己唔係第三者，冇介入人哋婚姻？）嗰啲再講，最主要當時係知道佢哋分開咗。（有冇後悔同佢一齊？）唔好意思，叫大家等咁耐。」黃子恆又透露今晚會於個人ig拍片並回應事件，之後再向記者鞠躬致歉。

最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！

最強娛樂APP「東網巨星」下載連結：

http://on.cc/redirect/entertainment