【出道早過佢出世】周慧敏撐韋禮安開騷

台灣歌手韋禮安於九展舉行演唱會《韋禮安 放開那女孩演唱會-香港站》，到演唱會中段，韋禮安笑言台上除了鍵盤手之外都沒有女生，所以要邀請女神級嘉賓周慧敏（Vivian）上台，更大讚對方是女神中嘅女神，其後Vivian就以一襲充滿仙氣嘅白色吊帶裙現身，並合唱了《流言》。之後Vivian就代表香港歡迎韋禮安，更覺得今次做嘉賓感覺好年輕好似返回母校。

86年出道 VS 87年出世

當Vivian談到跟對方首次見面已經有好熟悉的感覺時，表示做嘉賓前都有搜尋過韋禮安的資料，更大讚對方靚仔有才華，更希望有日能夠唱到韋禮安作嘅歌，笑言：「佢1987年出世，但我1986年出道，呢個先尷尬！我喺台灣出道嗰時，佢得幾歲咋！其實好多人都兜口兜面同我講話細個聽我啲歌大，我唔會介意㗎，有共同回憶都係好事，所以你（韋禮安）都可以隨便同我講，睇吓我點對付你！」在旁的韋禮安就直言聽唔明Vivian講咩。然後Vivian就搞笑話：「應該聽嘅就聽到，唔應該聽嘅就聽唔到，叻仔！」然後韋禮安就指Vivian同自己是兩個星球嘅人，又話Vivian係仙女下凡，氹得Vivian好開心。當兩人擁抱時，韋禮安就即刻講：「Yes！」場面相當搞笑。

每天都有想過放棄

接着，韋禮安換上兩套歌衫唱出多首歌曲，又拿着結他自彈自唱同彈鋼琴。到encore時，韋禮安突然有感而發表示之前收到粉絲送上的卡，提到自己剛出道時講過好音樂一定會被聽到，但事實上自己已經不相信這句話，去年在小巨蛋舉行演唱會後，覺得自己的音樂不夠好，不過對於創作人不夠好的作品都有存在價值，因為是發自內心的，坦言：「要做好音樂這條路好辛苦，每天都有想過放不放棄，不知道甚麼時候會再來到香港但我會繼續努力，因為有好多人都看着我長大。」在演唱會尾段，當唱到《好天氣》時，韋禮安就落台同粉絲握手，做近距離接觸，然後唱出《還是會》來為演唱會劃上圓滿句號。