復合！周焯華唱《愛我別走》醉冧陳慧玲

太陽娛樂文化老闆周焯華（洗米華）與正印陳慧玲（Heidi）鬧出離婚後，家庭觀念重的洗米華對Heidi仍愛護有加，早前爆出他的紅顏知己Mandy Lieu正在倫敦待產第二胎，令二人的關係更趨嚴峻，不過尋晚二人喺澳門一同出席好友生日派對時，洗米華氹掂Heidi復合有望。

生日派對去到尾聲時，嘉賓到台上唱卡拉OK，帶着醉意的洗米華喺台上大唱情歌冧Heidi，先揀張學友名曲《吻別》同Heidi合唱，一班好友順勢推Heidi埋洗米華身邊，開頭Heidi表現得有啲拒抗，不過喺洗米華主動出手攬實之下，Heidi開始眼泛淚光感動到喊。

之後兩人再合唱張震嶽的情歌《愛我別走》，呢首歌無論歌名或歌詞都非常應景，Heidi一路聽啲眼淚失控咁完全未停過，期間洗米華太過投入唱情歌失足跌低，有人向Heidi大叫「你老公跌低」，但Heidi聞言連續講四次「我朋友」想劃清界線，一眾好友上前扶起洗米華，再一次推佢埋去Heidi身邊，洗米華情深向Heidi講：「你着住高踭鞋，好危險！」盡顯關懷之情，現場即時起哄，一齊大叫「復合」、「和好如初」，成為生日派對高潮位。

洗米華同Heidi未有理會朋友的起哄吶喊，沉醉於「二人世界」中，攬實Heidi之餘，不停在其耳邊喁喁細語訴心聲，期間Heidi外套跌落，洗米華眼明手快即刻捉住件外套，怕Heidi冷親，好細心咁幫佢披番好件外套，喺冧招盡出下，帶點醉意的Heidi攬到洗米華實一實唔肯放手，睇嚟之前種種問題都好快可以雨過天晴。

最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！

最強娛樂APP「東網巨星」下載連結：

http://on.cc/redirect/entertainment