名人：何超盈獲邀做英女皇官方嘉賓

賭王四房女兒何超盈近年頻頻現身國際盛會，昨日她出席每年一度在英國舉行的盛事Royal Ascot（英國皇家賽馬會）活動，同場巧遇亞洲最大木門製造商夢天集團太子女余晚晚。

代表爸爸出席去見識

超盈透露今次是應父親好友兼英國貴族Sir Ben Slade之邀到場，非常難得地成為「her majesty's offical guest」（英女皇官方嘉賓）以及罕有地參與只限男成員的The White Gentlemen Club所搞的三十人巴士派對，超盈越洋接受訪問時表示：「Sir Ben Slade本來想請我同嗲哋去，因為嗲哋去唔到，所以由我做代表出席，雖然嗲哋知道活動當日撞正父親節，但係佢覺得係個好難得嘅機會出去見識，所以佢都好鼓勵我參加。今次係我第一次參加呢個活動，覺得好好玩，學到好多嘢。」

偷拍英女皇

超盈稱能夠成為「her majesty's official guest」可說「有錢都買唔到」，要有一定的社會地位，所以十分感謝Sir Ben Slade的邀請。而她所處的包廂位置正好在英女皇包廂隔鄰，所以超盈一見對方出動，即時拿出相機偷拍對方。

參加只限男性的活動

首次見到英女皇真人的超盈表現興奮，大讚對方有氣質，她說：「佢好有氣質，高貴大方，佢喺好遠距離，我都一眼認到佢。」另外，超盈又參加了只限男性的The White Gentlemen Club活動，她說：「Sir Ben Slade怕我悶，所以叫佢嘅姪仔搞咗個三十人嘅派對，仲整咗個英女皇紙牌，話怕我見唔到英女皇會失望，所以整咗畀我影相。我識咗好多唔同地方嘅朋友，包括意大利、西班牙，又見番以前嘅同學，真係好開心。」

買禮物給爸爸

今次除了參與盛會外，超盈也是為工作而去，主要洽談與藝術有關的合作，來去匆匆，明天便會返港。而向來孝順的超盈透露晚上會與父親吃飯補祝父親節，而她在英國時亦已買了父親喜歡的品牌大褸給對方。

最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！

最強娛樂APP「東網巨星」下載連結：

http://on.cc/redirect/entertainment